Strákarnir á eldra ári 4. flokks mættu Fjölni í 8-liða úrslitum Íslandsmótsins á fimmtudag. ÍBV vann þar nokkuð sannfærandi sigur 26-21 þó ljóst sé að liðið geti betur á nokkrum sviðum en það sýndi í leiknum.

 

ÍBV náði ekki búa sér til almennilegt forskot  fyrr en í seinni hluta fyrri hálfleiks. Í stöðunni 7-6 þéttu þeir vörnina og náðu flottum kafla sem gaf þeim 14-8 stöðu í hálfleik. Í seinni hálfleik komust þeir sjö mörkum yfir 21-14 og slökuðu þá alltof mikið á. Fjölnir gekk á lagið og minnkaði í 21-18. ÍBV kláraði leikinn ágætlega og fimm marka sigur niðurstaðan.

 

Liðið því komið í undanúrslit þar sem þeir mæta HK. Þar getur allt gerst en leikurinn verður í Vestmannaeyjum í komandi viku. Nái liðið upp sínum fræga varnarleik og leikgleði er klárt að liðið mun spila til úrslita á Íslandsmótinu.