Það verður boðið upp á sannkallaða handboltaveislu frá morgni til kvölds fimmtudaginn 1. maí í íþróttamiðstöð Vestmannaeyja. Dagurinn byrjar á tveimur undanúrslitaleikjum hjá 4. flokki kvenna fyrst og svo 4. flokki karla. Á eftir þeim verða stórleikir ÍBV og Vals í karla og kvenna flokki. 4. leikurinn hjá stelpunum og 5. leikurinn - oddaleikur - hjá körlunum.

 

Stemmningin fyrir handboltanum hefur ekki verið svona mikil í Vestmannaeyjum í 9 ár og er úrslitakeppnin í handboltanum að vekja gífurlega athygli enda mætingin á hana verið mikil. Eyjamenn hafa svo sannarlega sett sinn svip á úrslitakeppnina enda frammistaða stuðningsmanna ÍBV, og Hvítu Riddaranna, verið ótrúleg. Ætlum við að endurtaka leikinn á fimmtudag nema að þá gerum við enn betur.

 

Viljum við því að allir Eyjamenn fjölmenni á fimmtudaginn og taki þátt í þessu með okkur. Nú sláum við öll met og sýnum landsmönnum hversu mikilvægur góður stuðningur er fyrir íþróttalið! Tilvalið er að byrja á 4. flokks leikjunum og horfa á okkar efnilega handboltafólk spila þar en bæði kvenna og karlaflokkurinn í 4. flokki urðu bikarmeistarar í febrúrar.

 

11:45: ÍBV - HK (4. kvenna yngri)

12:45: ÍBV - HK (4. karla eldri)

14:00: ÍBV - Valur (Meistaraflokkur kvenna)

16:00: ÍBV - Valur (Meistaraflokkur karla)

 

Það mæta allir á þennan ÍBV DAG og taka þátt í gleðinni með okkur!

 

Áfram ÍBV